احنا جيل الطلائع



يقولك دا احنا ايامنا دي ما تتعوضش
دا احنا انضف جيل واحسنهم
ايامكو سودا انما احنا احنا جيل الطلائع
وكأنهم مصدقين انهم فعلن جيل حلو القدماء دول جيل قناتين تليفزون وراديو يعني رأي عام موحد رسمي والانفتاح لما يشوفو افلام "كرتون" طفوله حمضانه من الاخر
ولما كبر شويه بقي يديها اتري وبنك الحظ ولما دخل الجامعه وانفجر بقي يلبس احمر ع لبني وبنطلون " رجل فيل " قمصان مخططه وبنطلونات زرقا
ممكن فعلن النس دي تكون حضرت فتره احسن مننا ف السياسه والاقتصاد وحبه ف التعليم انما فيه حقيقه ما يقدروش ينسوها ولازم نعرفها ان اللي هما عرفوه وهم بيلبسو بنطلونات زرقان وقمصان حمرا احنا عارفينه من واحنا سن 11 سنه
احنا جيل كمبيوتر ونت وقنوات بعدد لا يعد ولا يحصي والاهم والاهم اننا حضرنا ثورة مش زي ثورة 52 ثورة وجعتنا ثورة علمتنا ثورة خوفتنا وربتنا من اول وجديد ع الحريه واهميه الراي ما بيخافش بس بيحترم عنده استعداد يعمل ثورة علي مدرسيه لو اتهاونو ف حقه شجاع جرئ
ومش معني وجود عاهات ف الجيل ان دا الوحش العاهات دي موجوده ف كل زمن بس عاهاتنا متطورين شويه عنكم زي ما الناس العاديه عندنا بيفكرو زي الناس العباقره ايامكو زي ما الوحش ايامكم كان يروح جمسا ويسمع حفله ام عبدو فين هي راحت فين عندنا بنسمع بحبك يا حمار



المراد ان احنا مش مختلفين او متخلفين عنكم احنا اتطورنا ف الحلو والوحش عشان كدا اوعي ف يوم واحد يخليك تقرف من نفسك انك من جيلنا ويخليك تقول مفيش فايدا وان الجيل اللي بيعمل عدا من زمان قوله ان جيلنا ف زمن حريه وشجاعه ودول حاجتين كافيين ان جيلنا يبقي حاكم ف المستقبل او عالم يتفشخر بيه لان علمائهم فكرو ف حجات احنا فكرنا فيها واحنا صغيرين اوعي تديهم فرصه لليأس او التشائم
لو حددت هدفك وقولت انا يأما اعمل فرق والناس تدرسني ف كتب وما تنسانيش لل 100 سنه الجايين او 1000 حاتعمل مفيش قانون بيقول ان مينا او نيوتن دول الطبعه الوحيده وملهاش نسخ انت تقدر تكون احسن منهم بس تفكر ف سكتك لتحقيق هدفك بكل تفاصيلها بكل مشكله ممكن تقابلك وحاتبقي حاجه




ملحوظه :-
الكلام دا ليه وسائل كتير جدن مش مقتصره ع التعليم مثلن او التفوق او اي تعجيز للاسف موجود ف زمننا


ماتنساش تكتب كومنت لو عجبك او لو ما عجبكش ليه وتدينا لايك وشير

ليست هناك تعليقات:

إرسال تعليق