كُن متحرش دمه خفيف .

صحفي ايطالي جمع اولاد وعرفهم علي بنت وطلب من كل ولد فيهم يضرب البنت دي بالقلم .. كلهم رفضوا ومبررهم كان ياما عشان انا ضد العنف او علشان هي جميلة او علشان انا راجل .

اما بقي فيه مصر المعروفة بأم الدنيا او " الاحسن من سوريا والعراق" سألت صحفية مجموعه اولاد تقريبا من سن الولاد الايطاليين هما ليه بيضايقوا البنات في الشارع فكان ردهم انها لو لابسة مش محترم يبقي تستاهل اللي يجرالها وان هي اكيد اكيد نازلة من بيتها عشان يحصلها كدا . واللي حس ان الكلام دا شوية غلط قام قالها الصراحة احنا غلطانين بس وهما كمان .
وفي الفيديو التاني اطفال برضك من مصر واحد بيقول انه بيكمل نص دينه والتاني بيقول أعاكث . وتعليق علي الفيديو من شخص عربي بيقول الحمدلله اني مش مصري وبيضحك .
وبنت سعودية بتقول للبنات المصرية ربنا يكون في عونكم .
الفجوة خلاص بقت كبيرة اوي ولازم نحس بيها .. مثلا نبطل ننشر فيديو لمصطفي محمود بيقول ان الجهل حيخلينا زي القرود والعالم المتطور يتفرج علينا ويدرسنا .. انسي كلمة " حيخلينا " خلاص احنا وصلنا للمرحلة دي وبقينا محل سخرية العالم اللي بيشوفنا من خلال جهاز الكفتة ولا عفاريت ريهام سعيد .. كفاية بقي الوهم ان احنا احسن من سوريا والعراق .. مش بتحس ببؤس كدا لما تقارن مصر ببلاد محتلة عشان تحس بالرضا ؟
وبالمرة بقي نبطل نقول تحمرش ونألس علي الحقوقيين في مجال حقوق المرأه .. سخافتك دي اللي خلت العيال دي تبقي كدا . ولو لسة شايف الموضوع تافه ويستحق التسخيف عليه اعرف ان فيه بنت غرقت في النيل وهي بتحاول تهرب من متحرش .. ماتت.
ومترميش بقي أقصي اليمين وتقول دا شعب متخلف ومكتوب عليه التخلف ومش حيتغير ابدا .بطل انت بس سلبية وافتكر انك محسوب علي الشعب دا فيأما انت العبقري اللي فينا ياما انت من ضمن المتخلفين دول ومتنساش ان كل المصريين بيقولوا علي المصريين شعب متخلف .

صدقوني ..

شفت فيديو عن إسلام البحيري بيتم فيها انتقاده وتجميع مقاطع بتثبت انه متناقض جدا مع نفسه ومعلوماته متعارضة .. لكن مش حنشر الفيديو .. عشان مش الفكرة اني اثبتلك ان المواضيع اللي اتكلم فيها البحيري صح او غلط او شخص البحيري صح او غلط لان ببساطة برضو اللي بينتقده بيستخدم نفس طريقته . بيتكلم ويقول معلومات وبيطالبنا نصدقه عشان بس ربنا كرمه وعطاله فرصه يظهر علي الشاشة .. بيقولنا خدوا معلومات اهي وكذبّوا اللي عكسها اللي برضو بيقولنا خدوا معلومات تانية وكذبّوا اللي عكسها .. والحقيقة ان معندناش ضمانة واحدة تخلينا نصدق واحد منهم غيرش بس اهواءنا وآرائنا واللي احنا عاوزينه يبقي هو الصح ..
كمية برامج ضخمة كل فكرتها ان شخصية كل اللي نعرفه عنها ان ربنا كرمها بكاميرا وقناة فيعد ساعة او اكتر ميعملش اي شئ غير انه يقولنا دي صح ودي غلط .. اعملوا كدا ومتعملوش كدا .. طب فين يعم الدليل ؟ فين كتاب ؟ فين مناظرة بين الرأيين ؟ مفييييش
عشان كدا منشرتش الفيديو .. معرفش ان كان اسلام غلط ولا اللي بينتقده هو اللي غلط .. كل اللي اعرفه ومتاكد منه انهم مش احسن مني في حاجة ولا اكتر مني علم عشان يقولولي اعمل ايه وافكر ازاي .. لما الاقي حد بيهتم بعقلي ومش بيعاملني اني حمار اسمع وخلاص حبقي اسمعه .. اهو يبقي معاه شهادة اثق فيها ولا بيلتزم الحياد قصاد رأيين متعارضين ولا بيقولي الكلام اهو والمصدر اهو
معتقدش ابدا ان عقلنا ناقص تشويه او ان المواضيع اللي بيناقشها البحيري ببساطة اننا نعتمد عليه
وأكيد الكلام دا علي الجرايد وفيس بوك وتويتر والقهاوي لكن التليفزون متفوق عليهم في رأيي

كلامي اللي فات دا هو رأي يحتمل الصواب او الخطأ لكن مفيهوش معلومات بنشرها او أأكدها والفكرة اللي بيدور حواليها كلامي هو القابلية للاستهواء والصورة من كتاب الفلسفة والمنطق بتاع سنة اولي ثانوي من الباب التاني تحت عنوان العوامل الذاتية للوقوع في خطأ التفكير صفحة 62 الفقرة الاولي 

امنعوا الابتسامة

حضرة القاضي المحترم .. لم اقصد مطلقاً الاستهزاء بكم او السخرية .. ما يعتبر في ظاهره هزل وكوميديا ومظهر من مظاهر الفرقعات الاعلامية . ماهو الا سطح لواقع أليم لا يحتمل الهزل ابدا 
جل ما اطلبه هو تقنين للاحترام والوقار .. الاحترام لانفسنا وذوينا ومعارفنا من اصحاب الجنسية المصرية او التعيس الذي اهتم بشأن هذا البلد .. حتي لا تنتشر الفرقة ويغلبنا الانقسام .. حتي لا تنتشر روح البغض والاستفزاز .. لنشر الامن والاستقرار في الشارع المصري .
ان مطلبي الذي لاقي السخرية الباهتة المليئة بالحسرة اراه انا متأخرا جدا .. ولعلهم معذورون إذ اني لم اقنعهم .. ولكني اطلب الاحتكام بالقانون .. بالشرع والعرف .. بأي ما يرضاه المجتمع واحسب عدم امكانية اختلاف اي مجتمع عليه ..
كيف يا سادة نترك بالمجتمع تلك القلة التي تتسلح بهذا السلاح الرهيب الذي يقتلنا جميعا واحدا تلو الاخر ؟! من يدّعون وجود الامل .. الذين يبتسمون ويستغلون عدم قدرتنا علي الرد الا بابتسامة اكبر .. يشجعوننا علي الامل والتمسك به والايمان بالنصر القادم لا محالة .. الايمان باهمية الابتسامة .. ولكن كيف ! كيف نبتسم في وجوه المصريين ؟ الا يعتبر استفزازا لهم وسبب للتعلل بأمراض المرارة والسكر ؟! كيف ابتسم وانا اري الوجوه وعليها الحزن لم يسطع الذهاب ! وكيف له ان ينسي اذ اننا كل يوم بحال اسوء ؟! كيف يذهب وانا لا استبعد ان يكون القادم امامي له اخاً قتل وقاتله ينعم بالحرية ؟ قاتل نظر له في عينيه واطلق الرصاص .. او ادرك حتمية موته بالاهمال مقابل المكسب المادي الذي يهلو به الان .. ام عن الاخر الذي اري في عينيه نظرة البؤس اذ حكم عليه الجوع والفقر والجهل ان يكون نتيجة صراع العبيد علي فتات خبز ؟! ام الاخر البعيد الذي تبدو علي ملامحه الاحباط .. ألم يشعر بمسئوليته تجاه اخيه الانسان الذي يعاني فقرر الدفاع عن حقه .. فيجد ان من يحارب من اجله يطعنه من الخلف حباً وعشقاً في فتات الخبز .. حضرة القاضي .. أصدر قرارك بمنع الابتسامة .. امنعوا الابتسامة .. امنعوا الابتسامة

خواطر ثانوية عامة

بعد ما كنت اسمع عن اساطير الثانوية العامة طول حياتي بقيت فيها .. هو كان فيه تمهيدات من 3 إبتدائي لما كان يتقاللي انت شهادة انت شهادة .. لكن طبيعي الثانوية مختلفة والوجود فيها مختلف عن مجرد السمع عن امتحاناتها ومناهجها والطلاب اللي بينتحروا كل سنة والاخبار وقت الامتحانات عن بكاء الاهالي والطلاب امام المدرسة الفلانية .

لكن انا خلاص بقيت فيها وجزء منها مش بسمع من بعيد ... مممممم حاسس بقي بمفاجأه ؟! لاء عادي مجتش مرة واحدة 
في الاول كنت عادي مش حاسس بفرق اوي لحد ما قلت اقعد احسب كدا واشوف ال95% دول يعني انقص كام والكلية الكويسة مجموعها كام وجالي احباط وانا في اول السنة ان بمعرفتي بنفسي وبقناعتي عن المنهج وشكله وطريقة تدريسه تخليني متقبلش ابدا فكرة اني اكون متفوق الا اذا كنت بضحك علي نفسي .. بقي المنهج اللي مقتنع بانه اهبل كما اقتناعي بالشئ الملموس .. حقدر احفظه واتعامل معاه كانه منهج بجد ! 
كان ساعتها شئ منطقي جدا اني انسي فكرة المجموع العالي عشان ما اعشمش نفسي او اكدب عليها وفكرت في البديل وهو التعليم برة وقعدت ادور واقرا واشوف ولقيت امل لشاب عادي *مش متفوق* انه يسافر ...
انما لعنة الثانوية مسابتنيش .. منا برضو مش حرفع ايدي عن المذاكرة تماما .. مهو لازم خطة بديلة وحتي لو مش مقتنع بجدوي التعليم والشهادة وسمعت صوت الواقع اللي بيقول شوف القهاوي والشهادات اللي ياما قاعدين ياما بيقدموا طلبات للي قاعدين .. انما هي ممكن تساعد وتسهل تعب انك تثبت بعد كدا انك جدير بالمسئولية مثلا وانك كفرت وألحدت بالثانوية بس مش بالدنيا كلها وضاربها صرمة !

يمكن مثلا توفرلي اني اعمل انترفيو محصلش يبهر اللي قدامي زي قصص الناجحين اللي بالمناسبة مكنوش متفوقين وكانوا كمان كارهين التعليم عشان تكمل اللبخة ؟!

يمكن تشوف انها لو مش حتساعدك مش حتضرك ؟ طب مهو ازاي يا فندم ؟ لما شاب 18 سنة يتحط في سباق الخيل دا ومطلوب منه يجري ويسابق ومحطوط له جدول او مراحل من بداية السنة ليوم الامتحان .. يعني مش مسموحلك تتعب في يوم ومتذاكرش .. واليوم اللي مش حتذاكر فيه حرفيا حيأثر عليك .. وبجانب الضغط دا بقي نتعرف علي الروتين القاتل المتمثلة في المدرسين والمناهج .. الخليط اللي بلاقيه كل يوم في ساعتين كاملين .. 120 دقيقة من البلاهة الكاملة والتخلف .. 120 دقيقة بحس اني بشرب مخدر قوي مفيهوش شبه بالمخدارات غير بضرره علي المخ انما حتي اللذة مش موجودة .. بحس اني محتاج جلسات علاج بكتب ولا ندوات ولا محاضرات او ورش عمل تحارب التاثير دا . هو الضرر دا مش كافي يافندم ؟! 

انا أدبي علي فكرة وعن السبب هو رغبتي في تقليل مدي التعب والمجهود علي الشئ دا اللي اسمه ثانوية عامة اللي بدون جدوي ... لكن فيه شئ تاني .. الادبي نسبيا اسهل وكلامه عبيط ومش بتعقيد العلمي .. انما فيه نفس الطريقة والنظام .. كلام مش منطقي ولا مترابط .. دروس مفيش بينها علاقة ودايما تخليني احس ان طريقة كتابة المنهج كان هزلية بدرجة ان المؤلف قعد وسط اصحابه يحكيلهم عن زمن جده اللي مات وبيحاول علي قد ما يقدر يفتكر فيجمع المعلومات بعفوية وبدون ترتيب علي حسب ما يخطر علي باله ويفتكره .. فتلاقي الكتاب في النهاية صفر تناسق ومحتم عليك متحاولش تفهمه بالترابط بين المعلومات او التسلسل او او او .. لازم تحفظه كاملا .. بالتفصيلة اللي اتقالت في الدرس دا واللي غابت عن الدرس اللي بعده والتفصيلة اللي هفت علي دماغ المؤلف في الدرس الاخير .

وبندلع .. اه والله بندلع .. بنقضي وقت ضخم علي الانترنت او التليفزون . واحيانا كتير الواجب بيتعمل علي عربية في الشارع بتاع الدرس قبليه ب10 دقايق .. ونقدر طبعا اكيد نكون لموأخذة *متفوقيين* .. بس لما تفهمني بطريقة غير مباشرة ان المذاكرة لازم تاخد كل وقتي واني لازم ابتدي من اول السنة زي اخر السنة وتوصللي اني احس بالذنب والادانة لما ادخل الحمام او انام .. طبيعي جدا جدا اني اعيش بمبدا خربانة خربانة وكدا كدا الاحساس بالذنب ملازمني لاني مش حقدر اشغل كل وقتي بالكلام الاهبل دا .. ودا غير طبعا عدم اقتناعي بجدوي المذاكرة ف الاول لاني مش ضامن نرد الثانوية حيخلي الكلية المحروسة اللي عيني عليها مجموعها كام وياتري حتفرق معايا علي نص درجة او لا .. ولما افترض اني سعيد الحظ اللي دخل الكلية ليه مكونش خريج زي الباقي اللي ع القهوة بيشربوا وبيشتغلوا عليها ؟! 

بعد كل الاحباط دا ونذاكر ؟ ونخاف علي  النص درجة ؟! نخاف عليه من ايه ؟! حيجرا ايه لما يضيع ؟! مهو لما اجيب النص دا مين يضمنلي انها برضو متفرقش معايا علي نص درجة تاني وتكون طماعة ؟! انت بتطلب مني اذاكر كويس اوي عشان ارمي حجر نرد .

صورة من مذكرة جغرافيا خارجية لمدرس . ثانوية عامة 2014

الاخلاق

من مكارم الأخلاق الصدق والأمانة والحلم والأناة والشجاعة والمروءة والمودة والصبر والإحسان والتروي والاعتدال والكرم والإيثار والرفق والعدل والحياءوالشكر وحفظ اللسان والعفة والوفاء والشورى والتواضع والعزة والستر والعفو والتعاون والرحمة والبر والقناعة والرضى.

كان فيه كتاب كدا بناخده لحد رابعه ابتدائي كان عن الاخلاق علي ما افتكر اينعم مكنش لازم نقراه اصلا بس كان موجود .

تكبر حبتين كدا وتوصل للاعدادي مرحله " تكون او لا تكون " ونصايح الناس اللي يقولك " من اول يوم لااااازم تثبت نفسك انت يأما راكب او مركوب " وتبدي مرحله لطيفه توصل فيها انك تخاف تتعامل بأخلاق عشان يأما حايتقلس عليك او تضرب او يبقي ملكش صحاب ... ودا واقع مش راي للاسف .

الواقع برضو ان مش كل اللي ف اعدادي وحشين بس يتهيالي الاسطوره بتقول ان فيه واحد هو اللي كان وحش وضحك ع اللي بيتعامل بأخلاق او ضربه ومن هنا كله بقي زيه خوفا من الضرب او التأليس وانتشرت الحكايه واتطورت وبقت مش مجرد واحد بيخاف يتعامل بأخلاق وبس لا دا بقي العكس تماما لانه عاوز يكون برنس الشله ومتفوق عليها 

للاسف دي ثقافه جيل بحاله لما يكون بيهزر مع صاحبه بيشتمه بأهله نفر نفر ويروح ع الحمامات يشرب سجاير واول ما يشوف اي بنت لازم يعلق عليها وعلي لبسها وعادي ف الشارع قدام الناس .. جيل اهم حاجه عند اهله درجه الامتحان اللي بيها حايطلع دكتور او باشمهندس زي ابن خالته 

جيل فسحته انه يتمشي ف الشوارع يغلس ع " السيس " ف نظرهم ويعاكس ف البنات ويقولو ماهما اللي لابسين وهما اللي نازلين وهما اللي بنات اصلا ودي تعتبر غلطتهم ويروح حاجز تذكره لفيلم السبكي

الثقافه دي بتبدأ بالظبط من 4 او 5 ابتدائي ... عارف انها صعبه وانهم لسه عيال بس دا للاسف برضو واقع 

نجيب محفوظ قال زمان اول ما ظهرت مطالب تطبيق الشريعه ان تطبيقها الفعلي مش ف القوانين والمنع انما ف التربيه الدينيه والاخلاقيه الصح للشباب عشان متبقاش حاجه منعاهم من الغلط غير نفسهم لانك لو فاكر انك تقدر تفرض الاخلاق علي حد بدون اقناعه تبقي بتضحك علي نفسك

ليه متبديش بنفسك بعيد عن صحابك كدا ف الخفاء وجرب صفه من الاخلاق عادي يعني

غير الواقع

بس كدا !

انا عندي اقتراح فوق عند مكارم الاخلاق حتلاقي كل صفه باللينك بتاعها اتفق مع نفسك كدا كل يوم تقرا واحده وتطبق عليها :)

الحريه للصهيون

أنا لست من المتابعين للشأن الأمريكى أطلاقاً لكنى اصطدمت بخطاب ميت رومنى المرشح لرئاسة الولايات المتحدة فى الأنتخابات القادمة و انتقاده لسياسة أوباما وعن الأعتذارات التى قام بها أوباما ثم اصطدم مرة اخرى بكلامه عن الحريات وكيف ساعدت أمريكا فى تحرير الشعوب والأوطان من الطواغى ,لكنها كذبة نعم كذبة يكذبها الأمريكين على أنفسهم ثم بقية الشعوب فأن الحرية التى يتكلم عنها الأمريكان هى سياسة الأحتلال والتشريد للأطفال وترميل النساء وقتل الأنفس وغيرها من مظاهر سلب الحرية. يكذبون علينا بعمل الجمعيات التى تحافظ على حقوق الأطفال والجمعيات التى تقاتل بهدف حقوق المرأة وخاصة المرأة العربية لكن جميع هذه الجمعيات (عبارة عن مكاتب ولوح ). أمريكا التى تدافع عن الحريات وحقوق الأطفال وحقوق النساء هى نفس الدولة التى تشرد الأطفال وترمل النساء . أمريكا التى تنظر إلى نفسها أنها محررة الشعوب والأوطان من الأرهاب والطواغى (أ العراق من الشعوب التى تحررت من الأرهاب والطواغى؟) العراق التى دخلها الأمريكان ليلاً غدراً وسفكوا فيها الدماء وقتلو شعوبها بحجة القضاء على صدام أو الأرهاب هل نجحت فى تحرير العراق ؟ هل تركوا شعب العراق فى وضع يحسدون عليه ؟ هل كانت الحرية التى تتكلمون عنها هى (معتقل جونتانمو ) الذى يوجد فيه جميع ألوان العذاب تعبأ فى كاسات ليذيقها الأرهابيبن (العرب) ؟بل تركتموها على أسوأ ماكانت عليه إن كل يوم يأتى أسوأ من أمسه ,كل ساعة  ,كل دقيقة , كل ثانية ,إن العراق تشرب كل يوم من كأس الأرهاب.أم تقصد أفغناستان التى يزيد فيها الأمر سوءكل يوم يمضى,هل كان تدخل الجيش الأمريكى هوالحل؟ على العكس بل الجيش الأمريكى الأن يندب حظه على تدخله  فى هذه الرمال المتحركة واعتقدم أن قتل بن لادن هوحل مشكلة الأرهاب لكن بن لادن قد ترك خلفه جيوش منه , حقاً أنتم تدافعون عن الحريات.أم تتكلمون عن حرية الشعب الفلسطينى ,هذا الشعب الذى دام عليه الأحتلال أكثر من 60 عاماً يشرد أطفالهم ويرمل نسائهم ويقتل شيوخهم وتغتصب أرضهم من كيان صهيونى حقير لايعرف معنى الآدمية بل تدافعون عن هذا الكيان بقلوبكم ودمائكم وتصدرون له الأسلحة والطائرات القاتلة وتساعدوهم فى بناء المستوطنات وتقفون فى خلفهم لحمايتهم , وتدعون إلى سلام مشبوه يخدم مصالح هذا الكيان على حساب حقوق وحرية الفلسطنيين .ياسيد رومنى إن حديثكم عن الحريات وتحرير الشعوب ماهى الا كذبة تضوعها فى البرامج الأنتخابية تدعون بأسم الحرية والكرامة وانتم سالبين الحرية ومهدرين الكرامة أن الحرية بالنسبة لكم أداة قذرة تتحدثون بها لتجملوا أنفسكم أمام الناس لكن هى  وحجة لأحتلال أى دولة والوقوف بجانب الدولة الصهيونية والأرهاب الذى تتحدثون عنه انتم من تصنعوه أنتم من صنعتم صدام وبن لادن وكل الأرهابين لتتحكموا فى العرب وتشوهون صورتهم .إن الجمعيات التى انتم تحموها وتقومون بأنشاءها هى جمعيات على ورق لا تدافع عن حقوق الشعوب هل دافعت هذه الجمعيات عن حقوق الشعب الفلسطينى عن حق أطفالهم فى التعليم والصحة والحرية والأمن , هل دافعت عن نسائهم فى حق الأمن والأستقرا والتعليم  وغيرها .أنتم تعطون الحرية للظالم والسالب و الطامع والمغتصب,أنتم تسلبون الحرية من الشعوب لتعطوا الحرية لأنفسكم وللكيان الصهيونى. الحرية للصهيون

سبعه اركان للشخص الناجح :)

1- كن مؤمناً فالإيمان بالله تعالى هو ينبوع السعادة ومصدر السكينة والطمأنينة، والشقاء والتعاسة والنكد الدائم والأحزان المتوالية في الإعراض عن الإيمان بالله والغفلة عن ذكره قال تعالى: (الَّذِينَ آمَنُواْ وَتَطْمَئِنُّ قُلُوبُهُم بِذِكْرِ اللّهِ أَلاَ بِذِكْرِ اللّهِ تَطْمَئِنُّ الْقُلُوبُ) [الرعد: 28] وقال: (وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكًا وَنَحْشُرُهُ يَوْمَ الْقِيَامَةِ أَعْمَى) [طه: 124].
2- كن متسامحاً مع الذات ومع الآخرين؛ فالتسامح قوة وليس ضعفاً. وبداية النجاح تكون من خلال التسامح الذي يفيدك أنت أكثر ممن تسامحهم، ولذلك نجد أن ديننا الإسلامي دعانا إلى التسامح. يقول الله تبارك وتعالى (وَالْكَاظِمِينَ الْغَيْظَ وَالْعَافِينَ عَنِ النَّاسِ وَاللَّهُ يُحِبُّ الْمُحْسِنِينَ وَالَّذِينَ إِذَا فَعَلُوا فَاحِشَةً أَوْ ظَلَمُوا أَنْفُسَهُمْ ذَكَرُوا اللَّهَ فَاسْتَغْفَرُوا لِذُنُوبِهِمْ وَمَنْ يَغْفِرُ الذُّنُوبَ إِلَّا اللَّهُ وَلَمْ يُصِرُّوا عَلَى مَا فَعَلُوا وَهُمْ يَعْلَمُونَ) [آل عمران 134 – 135].
3- باشر بالتخطيط الآن؛ فبعد فراغك من قراءة المقال قم وأخرج ورقة وقلماً، وابدأ، دوّن أهدافك في الحياة على المستوى البعيد والقريب، قم بالتخطيط لحياتك، قم بعمل خطة سنوية، وأخرى شهرية، وأخرى أسبوعية، وأخرى يومية لاستغلال كل دقيقة في يومك، استغل أوقات المواصلات والانتظار في إنجاز بعض المهام البسيطة، وعليك أن تضغط الواجبات التي يمكن إنجازها في أوقات واحدة.
4- انطلق بعد التخطيط؛ فكن اجتماعياً في محيطك ومد الجسور مع الآخرين، فإن الاستماع إلى الآخرين، ومشاركتهم الحديث والرأي، ومساعدتهم- أحياناً- في حل مشاكلهم يضفي على النفس جانباً كبيراً من السعادة؛ لأن الإنسان مدني بالطبع، ولا خير فيمن لا يألف ولا يؤلف. وقد قال تعالى: (يَا أَيُّهَا النَّاسُ إِنَّا خَلَقْنَاكُم مِّن ذَكَرٍ وَأُنثَى وَجَعَلْنَاكُمْ شُعُوبًا وَقَبَائِلَ لِتَعَارَفُوا) [ سورة الحجرات:13]. وليكن لك في رسول الله عليه الصلاة والسلام قدوة؛ فهو الذي كان يبدأ من لقيه بالسلام وبوجه بشوش، ويؤثر الداخل عليه بالوسادة التي تحته، ويعطي كل من جلس إليه نصيباً من وجهه.. أي من النظر إليه والاهتمام به والابتسام له.
5- تعلم فن الاسترخاء ومارسه بشكل يومي؛ إذ ينصح علماء النفس بأن يتعلم كل فرد فن الاسترخاء وممارسته في حياته؛ لأنه يقضي على التوتر والعصبية التي تؤدي إلى تغييرات فسيولوجية بالجسم تتسبب في الإصابة بالأمراض الخطيرة كارتفاع ضغط الدم وتصلب الشرايين إضافة إلى الأمراض النفسية وأهمها الاكتئاب. ومن فوائد ممارسة الاسترخاء بشكل يومي:• بلوغ مرحله الصفاء والخيال والحرية من حواجز العقل الواعي الناقد.• برمجة العقل الباطن لمقاومة مرض موجود.• حسم بعض الصراعات الداخلية النفسية.• برمجة الجسد على التكيف مع الآلام الطارئة.• برمجه العقل الباطن على الاسترخاء والهدوء والشعور بالسلام الداخلى.• التغلب على العصب والعصبية.• مواجهه أنواع المخاوف.• البرمجة على السعادة والتخلص من الاكتئاب والضيقة المستمرة.• التخلص من الوساوس التسلطيه والأفعال القهرية.• برمجة العقل الباطن على الأهداف الإستراتيجية.
6- كن مبادراً دائماً؛ فالمبادرة الذاتية تساعد على القضاء على الروتين، ومن الممكن أن تتدرب لتجلعها جزءاً من سلوكك من خلال الخطوات التالية:• امنح نفسك مهلة من الوقت لتكون مبدعاً، وذلك من خلال توفير وقت محدد لتفكر في الأمور، وترى صورتها بشكل كامل، وتفكر في حلول جديدة للمشكلات القديمة.• انفتح على الأفكار الجديدة والغريبة.• حاول التعرف على المبدعين وتعلم منهم.• حاول أن تكون أفكارك قابلة للتطبيق.• الابتعاد عن المثبطين لهمتك ولطموحاتك في حال عدم إقناعهم بأفكارك الجديدة المبتكرة.• تحمّل المخاطرة في العمل بإحلال أفكار جديدة مبتكرة محل أفكار قديمة تقليدية.• تعلّم الأساليب الصحيحة في التعامل والاتصال اللفظي وغير اللفظي مع الآخرين.• ليكن لديك رسالة وهدف واضح محدد تعمل من أجله، على أن يكون هذا الهدف إيجابياً مرتبطاً بالوقت الحالي، لا يقوم على تسويف أو تأجيل.
7- إياك والكسل؛ فالكسل حالة من الخمول وعدم الرغبة في الحركة، وقد ينشأ نتيجة الضغوط النفسية والعصبية، مع تراكم المسؤوليات وتنوع الاهتمامات. وقد أشارت الأبحاث الميدانية إلى ازدياد احتمالات إصابة النساء بداء الكسل أكثر من الرجال. ومن النصائح المفيدة لمن أصيب بداء الكسل:• وضع خطة أسبوعية أو يومية لإنجاز الأمور الأساسية.• عدم استقبال النهار الجديد بصفته كابوساً ثقيلاً.• التأكد والإصرار على تحقيق المزيد من النجاح في الأعمال والعلاقات.• معرفة أن الكسل يؤدي إلى عواقب وخيمة كضيق الصدر والقلق والاكتئاب، وأن العمل يزيد المرء نشاطاً وحيوية.
8- إياك والتسويف؛ فإن التسويف هو أحد الأسباب التي توقعك في فخ الرتابة، ومن نتائج التسويف:• الوقوع في أسر الشد العصبي والقلق والإرهاق.• يضع الأغلال حولك، ويكبل خطاك، ويحول دون بلوغك أهدافك و غايتك.• يخنق نموك الشخصي والمهني، ويعيق حصولك على مكافآت تستحقها بجدارة.• يدمر أحلامك في أن تنعم بحياة سعيدة تلفها الصحة والعافية ورغد العيش.• يورث الحسرة والندم في وقت لا ينفع فيه الحسرة والندم.• تراكم الأعمال، وصعوبة الأداء.

د / إابراهيم الفقى