ماتيشيلش شيلة مش بتاعتك، انت شاركت في 25 يناير، مش مسئوليتك إن ولاد وسخة مسكوا البلد، مجموعة العواجيز الفشلة المكلفين، اتفقوا مع مجموعة من النصابين الملتحين وخربوها، انت مش مطلوب منك تحاسب على مشاريبهم.. نفس الأمر في 30 يونيو، انت وقفت ضد ولاد وسخة، ومش ذنبك إن ولاد وسخة آخرين كذبوا في وعودهم (تمام زي الإخوان ما كذبوا في وعودهم 25 يناير).. انت مش سلطة عشان تقعد تجلد نفسك، لا كان في إيدك سيف في 25 يناير ولا كان تحت منك فرس في 30 يونيو.. باختصار، إنت فعلت أقصى ما تستطيع كبني آدم، قدمت حياتك نفسها في كل ميدان، وأصبت وأخطأت على مستواك الشخصي، لا عمرك كلت مال الناس ولا خطفت أرواحهم، انت باختصار بني آدم، عمل أقصى ما يستطيع، وواجه كل هؤلاء - وجميعهم راسخون في الجبروت والعفن - بصدر عاري ونفس عطشانة لحياة كريمة وجسد مستعد لموت مشرف.. مش ذنبك إن كل من وصل للحكم في مصر، كان شديد الوساخة، لا إنت شاركتهم في وساختهم، ولا قلت لهم يبقوا ما بين قاتل وفاجر وعبيط ومستبد أحمق.. باختصار ما تخليش حد يدفعك مشاريبه.
