المراهقه هي الفتره العمريه من سن 11 الي سن 21 وهي فتره متقلبه وصعبه تمر علي الانسان وتكون بمثابه الاختبار الاول له في حياته حيث ان مستقبل الانسان وحضاره الام يتأثر وبشكل كبير علي فتره المراهقه لدي الفرد
دا الكلام العلمي كلام جميل بس المراهقه مش كدا وبس مش مجرد ثوره علي الاهل والبيت والعادات او انك تحس برجولتك لما تعاكس بنت في الشارع او الواد الروش لما تقطعها فسح ورحلات او حتي الود الصايع اللي بيسمع " مهرجانات " علي موتوسيكل صيني ف الشارع علي اعلي صوت
او حتي انك تقضيها دروس عشان السنه الجايه اجيب المجموع اللي هوا
وجهه نظري المتواضعه ان كل دا ولو كان من اهتماماتك او انه عادي فعلا ف السن دا فدا ليه وقت بسيط تقضيه
المهم انك تدور علي نفسك وتنمي ابداعك تفكر في كل فتفوته في الدنيا دي تفكر في التفكير نفسه
انا ليه " مسلم او مسيحي " انا ليه لازم ادرس انا ليه هما ليه وانتو ليه وانا ليه
حتوصل في الاخر ليه ربنا خلقني خلقني انا بالذات هو انا حزود حاجه في الدنيا ؟ طب حزودها ف ايه ؟ لما اكبر واتجوز وازودها بالعيال ؟ اكيد لا
اكيد انا ليا لازمه واقدر اعمل حاجه محدش في الخلق يقدر يعملها غيري عشان كدا اتخلقت انا بالذات
ليه متكونش انت الدرس الرابع في التاريخ بتاع سنه اولي ثانوي ؟ ليه الناس متفتكركش ال 100 سنه الجايه
انت اكيد تقدر اكيد
عندك مثلا سعد زغلول طلعت حرب جيفارا اشتركو هما التلاته في انهم في وقت قليل جدا وسن اقل قدرو يخلوك ويخلو كل الناس لسه فاكرينهم وانا كتبته وانت قريته
ليست هناك تعليقات:
إرسال تعليق